"Chelsi" Angliya kubogi doirasida "Midlsbro"ga qarshi o‘yinni tomoshabinlarsiz o‘tkazish haqidagi iltimosini qaytarib oldi.
Angliya futbol assosiasiyasi (FA) London klubi bilan muzokaralar natijasida shunday qarorga kelganini xabar qildi.
Shu bilan birga, FA Premyer-liga rahbariyati va Buyuk Britaniya rasmiylari bilan "ko‘klar" xo‘jayini Roman Abramovichga nisbatan qo‘llanilgan sanksiyalar tufayli "Chelsi" o‘yinlariga tomoshabinlar kiritilishi borasida muhokamalar davom etayotganini ta’kidladi.
Avvalroq “Chelsi” Angliya futbol federasiyasidan “Midlsbro” bilan tomoshabinlarsiz o‘ynashni so‘ragan edi.
Eslatib o‘tamiz, 19 mart kuni Angliya kubogi chorak finalida "Midlsbro" o‘z maydonida "Chelsi"ni qabul qiladi.
