"Челси" Англия кубоги доирасида "Мидлсбро"га қарши ўйинни томошабинларсиз ўтказиш ҳақидаги илтимосини қайтариб олди.
Англия футбол ассоциацияси (FA) Лондон клуби билан музокаралар натижасида шундай қарорга келганини хабар қилди.
Шу билан бирга, FA Премьер-лига раҳбарияти ва Буюк Британия расмийлари билан "кўклар" хўжайини Роман Абрамовичга нисбатан қўлланилган санкциялар туфайли "Челси" ўйинларига томошабинлар киритилиши борасида муҳокамалар давом этаётганини таъкидлади.
Аввалроқ “Челси” Англия футбол федерациясидан “Мидлсбро” билан томошабинларсиз ўйнашни сўраган эди.
Эслатиб ўтамиз, 19 март куни Англия кубоги чорак финалида "Мидлсбро" ўз майдонида "Челси"ни қабул қилади.
