"Bavariya" hujumchisi Robert Levandovski jamoani tark etishga yaqin turibdi.
Jurnalist Yan-Oge Fyortoft tarqatgan xabarga ko‘ra, 33 yoshli futbolchi mavsum oxirida jamoani tark etib, faoliyatini boshqa klubda davom ettirishga qaror qildi. Myunxenliklar uning o‘rniga Dortmundning "Borussiya" klubi forvardi Erling Xolandni olib kelish variantini ko‘rib chiqishmoqda.
Eslatib o‘tamiz, Levandovskining "Bavariya" bilan shartnomasi 2023 yilning yozida yakuniga yetadi. Jamoa hozircha u bilan shartnomani uzaytirish borasida muzokara boshlamadi.