«Nasaf» Osiyo chempionlar ligasi saralash bosqichida «Baniyas»ni mag‘lub etib, musobaqa guruh bosqichida ishtirok etish huquqini qo‘lga kiritdi. Qarshiliklar saralashdagi g‘alaba tufayli "E" guruhidan joy olishdi. Bu guruhda Qatarning "As-Sadd", Saudiya Arabistonining "Al-Faysaliy" va Iordaniyaning "Al-Vihdat" klublari bor.

Xabaringiz bor, G‘arb mintaqasidagi barcha o‘yinlar Saudiya Arabistonida bo‘lib o‘tadi. Xususan, "E" guruhi bahslariga Dammam shahri mezbonlik qiladi. Guruhda jamoalar o‘zaro ikki martadan to‘qnash kelishadi. Ro‘ziqul Berdiyev shogirdlari musobaqani "As-Sadd" bilan boshlab, "Al-Vihdat"ga qarshi o‘yin bilan yakunlashadi.

O‘yinlar 8 aprel — 27 aprel kunlari oralig‘ida bo‘lib o‘tadi. Guruh bosqichi g‘oliblari hamda G‘arb mintaqasidagi 5ta guruhda 2-o‘rinni egallagan jamoalar orasida eng yaxshi ko‘rsatkichga ega bo‘lgan 3ta jamoa nimchorak final bosqichi yo‘llanmasini qo‘lga kiritadi.

OCHL. "E" guruhi taqvimi

1-tur. 8 aprel
"As-Sadd" (Qatar) — "Nasaf" (O‘zbekiston)
"Al-Vihdat" (Iordaniya) — "Al-Faysaliy" (S.Arabistoni)
        
2-tur. 11 aprel
"Nasaf" (O‘zbekiston) — "Al-Vihdat" (Iordaniya)
"Al-Faysaliy" (S.Arabistoni) — "As-Sadd" (Qatar)

3-tur. 15 aprel
"Nasaf" (O‘zbekiston) — "Al-Faysaliy" (S.Arabistoni)
"As-Sadd" (Qatar) — "Al-Vihdat" (Iordaniya)

4-tur. 19 aprel
"Al-Faysaliy" (S.Arabistoni) — "Nasaf" (O‘zbekiston)
"Al-Vihdat" (Iordaniya) — "As-Sadd" (Qatar)

5-tur. 23 aprel
"Nasaf" (O‘zbekiston) — "As-Sadd" (Qatar)
"Al-Faysaliy" (S.Arabistoni) — "Al-Vihdat" (Iordaniya)

6-tur. 27 aprel
"As-Sadd" (Qatar) — "Al-Faysaliy" (S.Arabistoni)
"Al-Vihdat" (Iordaniya) — "Nasaf" (O‘zbekiston)