«Насаф» Осиё чемпионлар лигаси саралаш босқичида «Банияс»ни мағлуб этиб, мусобақа гуруҳ босқичида иштирок этиш ҳуқуқини қўлга киритди. Қаршиликлар саралашдаги ғалаба туфайли "E" гуруҳидан жой олишди. Бу гуруҳда Қатарнинг "Ас-Садд", Саудия Арабистонининг "Ал-Файсалий" ва Иорданиянинг "Ал-Виҳдат" клублари бор.

Хабарингиз бор, Ғарб минтақасидаги барча ўйинлар Саудия Арабистонида бўлиб ўтади. Хусусан, "E" гуруҳи баҳсларига Даммам шаҳри мезбонлик қилади. Гуруҳда жамоалар ўзаро икки мартадан тўқнаш келишади. Рўзиқул Бердиев шогирдлари мусобақани "Ас-Садд" билан бошлаб, "Ал-Виҳдат"га қарши ўйин билан якунлашади.

Ўйинлар 8 апрель — 27 апрель кунлари оралиғида бўлиб ўтади. Гуруҳ босқичи ғолиблари ҳамда Ғарб минтақасидаги 5та гуруҳда 2-ўринни эгаллаган жамоалар орасида энг яхши кўрсаткичга эга бўлган 3та жамоа нимчорак финал босқичи йўлланмасини қўлга киритади.

ОЧЛ. "E" гуруҳи тақвими

1-тур. 8 апрель
"Ас-Садд" (Қатар) — "Насаф" (Ўзбекистон)
"Ал-Виҳдат" (Иордания) — "Ал-Файсалий" (С.Арабистони)
        
2-тур. 11 апрель
"Насаф" (Ўзбекистон) — "Ал-Виҳдат" (Иордания)
"Ал-Файсалий" (С.Арабистони) — "Ас-Садд" (Қатар)

3-тур. 15 апрель
"Насаф" (Ўзбекистон) — "Ал-Файсалий" (С.Арабистони)
"Ас-Садд" (Қатар) — "Ал-Виҳдат" (Иордания)

4-тур. 19 апрель
"Ал-Файсалий" (С.Арабистони) — "Насаф" (Ўзбекистон)
"Ал-Виҳдат" (Иордания) — "Ас-Садд" (Қатар)

5-тур. 23 апрель
"Насаф" (Ўзбекистон) — "Ас-Садд" (Қатар)
"Ал-Файсалий" (С.Арабистони) — "Ал-Виҳдат" (Иордания)

6-тур. 27 апрель
"Ас-Садд" (Қатар) — "Ал-Файсалий" (С.Арабистони)
"Ал-Виҳдат" (Иордания) — "Насаф" (Ўзбекистон)