“Fenerbaxche” Germaniyaning sobiq bosh murabbiyi Yoaxim Lyov bilan prinsipial kelishuvga erishdi.
62 yoshli mutaxassis kelasi mavsumdan boshlab turk klubini boshqarishga rozi bo‘ldi.
A Spor nashri xabariga ko‘ra, Lyovning yangi ish joyidagi asosiy transfer maqsadi "Bavariya"ning gollandiyalik hujumchisi, ayni damda "Anderlext"da ijara asosida o‘ynayotgan Joshua Zirkze bo‘lishi mumkin. 20 yoshli futbolchining "Bavariya" bilan shartnomasi 2023 yilning yoziga qadar mo‘ljallangan va futbolchining narxi 8 million yevroga baholanmoqda.
