«Real» yarim himoyachisi Kazemiro jamoasining Chempionlar ligasidagi raqiblariga nisbatan bosim haqida gapirdi.

- «Real» tarixi bizga qarshi o‘ynaganlarga bosim o‘tkazadi. Klub 13 marta Chempionlar ligasida g‘olib chiqqan va bu tasodif emas, bu jamoaning butun tarixi davomida futbolchilarning mashaqqatli mehnati natijasidir.

Ha, futbolda hozirgi holat muhim, klublar muayyan daqiqada kuchliroq yoki kuchsizroq jamoaga ega bo‘lishi mumkin. Ammo «Real»ga qarshi o‘ynaganingizda, sizni qiyin o‘yin kutayotganini tushunasiz. Nafaqat o‘yinchilarning mahorati, balki klubning tarixi ham "Santyago Bernabeu"dagi o‘yinlarda bosim o‘tkazadi.

Bizning stadionda boshqalarda uchramaydigan voqea sodir bo‘ladi. Bu faqat Madridda mumkin.

- Hozir «PSJ», «Manchester Siti» kabi yulduzlar ko‘p bo‘lgan jamoalarga ko‘proq e’tibor qaratilmoqda deb o‘ylamaysizmi?

- «Real»da «Oltin to‘p» sohibi Luka Modrich va uni qo‘lga kiritishi mumkin bo‘lgan boshqa futbolchilar ham bor. Bizda Benzema bor, u ham «Oltin to‘p»ni qo‘lga kiritishi kerak. Shuningdek, tarkibimizda dunyoning eng yaxshi darvozaboni Tibo Kurtua bor.

Odamlar «Real» nima ekanligini va uning o‘yinchilari qanchalik yaxshi ekanini bilishadi", - dedi Kazemiro.