«Реал» ярим ҳимоячиси Каземиро жамоасининг Чемпионлар лигасидаги рақибларига нисбатан босим ҳақида гапирди.

- «Реал» тарихи бизга қарши ўйнаганларга босим ўтказади. Клуб 13 марта Чемпионлар лигасида ғолиб чиққан ва бу тасодиф эмас, бу жамоанинг бутун тарихи давомида футболчиларнинг машаққатли меҳнати натижасидир.

Ҳа, футболда ҳозирги ҳолат муҳим, клублар муайян дақиқада кучлироқ ёки кучсизроқ жамоага эга бўлиши мумкин. Аммо «Реал»га қарши ўйнаганингизда, сизни қийин ўйин кутаётганини тушунасиз. Нафақат ўйинчиларнинг маҳорати, балки клубнинг тарихи ҳам "Сантяго Бернабеу"даги ўйинларда босим ўтказади.

Бизнинг стадионда бошқаларда учрамайдиган воқеа содир бўлади. Бу фақат Мадридда мумкин.

- Ҳозир «ПСЖ», «Манчестер Сити» каби юлдузлар кўп бўлган жамоаларга кўпроқ эътибор қаратилмоқда деб ўйламайсизми?

- «Реал»да «Олтин тўп» соҳиби Лука Модрич ва уни қўлга киритиши мумкин бўлган бошқа футболчилар ҳам бор. Бизда Бензема бор, у ҳам «Олтин тўп»ни қўлга киритиши керак. Шунингдек, таркибимизда дунёнинг энг яхши дарвозабони Тибо Куртуа бор.

Одамлар «Реал» нима эканлигини ва унинг ўйинчилари қанчалик яхши эканини билишади", - деди Каземиро.