"Inter" sport direktori Beppe Marotta hozirda "Chelsi"da to‘p tepayotgan hujumchi Romelu Lukakuning jamoaga qaytishi mumkinligi haqida gapirishdan qat’iyan bosh tortdi, deb xabar berdi jurnalist Fabrisio Romano.

Avvalroq, futbolchi Milan klubiga o‘tish uchun maoshini kamaytirishga tayyor ekanligi haqida ma’lumotlar paydo bo‘lgandi. Ayni damda hujumchi "Chelsi"da 12,5 million yevro maosh oladi. "Inter" unga 7,5 million yevro va bonuslar to‘lashga tayyor.

28 yoshli belgiyalik futbolchi milanliklar safida 2019 yildan 2021 yilgacha o‘ynagan.

Lukaku joriy mavsumda 32 ta o‘yinda maydonga tushib, 11 ta gol urdi va 2 ta golga assistentlik qildi. Transfermarkt portali futbolchini 100 million yevroga baholamoqda.