"Интер" спорт директори Беппе Маротта ҳозирда "Челси"да тўп тепаётган ҳужумчи Ромелу Лукакунинг жамоага қайтиши мумкинлиги ҳақида гапиришдан қатъиян бош тортди, деб хабар берди журналист Фабрицио Романо.
Аввалроқ, футболчи Милан клубига ўтиш учун маошини камайтиришга тайёр эканлиги ҳақида маълумотлар пайдо бўлганди. Айни дамда ҳужумчи "Челси"да 12,5 миллион евро маош олади. "Интер" унга 7,5 миллион евро ва бонуслар тўлашга тайёр.
28 ёшли бельгиялик футболчи миланликлар сафида 2019 йилдан 2021 йилгача ўйнаган.
Лукаку жорий мавсумда 32 та ўйинда майдонга тушиб, 11 та гол урди ва 2 та голга ассистентлик қилди. Transfermarkt портали футболчини 100 миллион еврога баҳоламоқда.
