«PSJ» hujumchisi Kilian Mbappe yozda «Real»ga o‘tadi. Poytaxt giganti Chempionlar ligasini tark etgach, fransuzning o‘z kelajagiga ishonch sezilarli darajada oshgan.

Jurnalist Eduardo Inda tomonlar o‘rtasidagi muzokara jarayoni haqida gapirib, shov-shuvli xabar tarqatdi. Unga ko‘ra, Faiza Lamari (Kilianning onasi) Madriddan 150 million yevro miqdorida bonus so‘ramoqda.

Eslatib o‘tamiz, Mbappe «qaymoqranglilar» bilan erkin agent sifatida shartnoma imzolashi mumkin, ammo Peres baribir pul to‘lashiga to‘g‘ri keladi.

Avvalroq, OAV hujumchi klub bilan uzoq muddatli shartnoma imzolagani uchun komissiya ko‘rinishida oladigan 40 million yevro haqida ma’lumot bergan edi.