«Real» klubi sobiq futbolchisi Guti "el-klasiko"dagi mag‘lubiyatdan so‘ng "Qirollik klubi" futbolchilarini tanqid qildi.

«Real» butun mavsum davomida faqat 12-13 futbolchi bilan o‘ynay olmaydi. Chempionlar ligasi, La liga, Ispaniya kubogida g‘olib chiqishni istagan jamoa 14 futbolchidan iborat bo‘lishi kerakmas.

O‘zi nimalar bo‘lmoqda? "Real"da o‘ynashni istamaydigan futbolchilar jamoani tark etishi kerak. Hammasi oddiy. O‘ynashni istamayotgan hozir o‘z fikrini aytsin!

Klub rahbariyati yoki Karlo Anchelotti bunday o‘yinchilarga qarata: «Matbuot anjumaniga borginda, "Real"da o‘ynashni istamasligingni barchaga ayt", deyishi kerak. "Real" senga pul to‘layotgan ekan, sen nimaga o‘ynamayapsan?

Agar sendan bir yilda bir marta o‘ynashni so‘rashsa, sen imkon qadar yaxshiroq o‘ynashing kerak. Zaxira o‘rindig‘ida Azar, Yovich, Beyl, Isko o‘tiribdi... Axir ular jamoani oldinga torta olishmaydimi? Nima gap axir? Juda hayratdaman.

"Klasiko"ni tomosha qilyapman va "Real"ning ikkinchi bo‘limdagi ilk o‘yinchi almashtirishi Mariano Dias bo‘lyapti. Qanaqasiga bunday bo‘lishi mumkin? Zaxirada Beyl va Azar o‘tiribdi, ammo birinchi o‘zgarish – Mariano. U joriy mavsumda barmoq bilan sanarli darajada maydonga tushgandi», – dedi Guti.