«Реал» клуби собиқ футболчиси Гути "эл-класико"даги мағлубиятдан сўнг "Қироллик клуби" футболчиларини танқид қилди.

«Реал» бутун мавсум давомида фақат 12-13 футболчи билан ўйнай олмайди. Чемпионлар лигаси, Ла лига, Испания кубогида ғолиб чиқишни истаган жамоа 14 футболчидан иборат бўлиши керакмас.

Ўзи нималар бўлмоқда? "Реал"да ўйнашни истамайдиган футболчилар жамоани тарк этиши керак. Ҳаммаси оддий. Ўйнашни истамаётган ҳозир ўз фикрини айтсин!

Клуб раҳбарияти ёки Карло Анчелотти бундай ўйинчиларга қарата: «Матбуот анжуманига боргинда, "Реал"да ўйнашни истамаслигингни барчага айт", дейиши керак. "Реал" сенга пул тўлаётган экан, сен нимага ўйнамаяпсан?

Агар сендан бир йилда бир марта ўйнашни сўрашса, сен имкон қадар яхшироқ ўйнашинг керак. Захира ўриндиғида Азар, Йович, Бэйл, Иско ўтирибди... Ахир улар жамоани олдинга торта олишмайдими? Нима гап ахир? Жуда ҳайратдаман.

"Класико"ни томоша қиляпман ва "Реал"нинг иккинчи бўлимдаги илк ўйинчи алмаштириши Мариано Диас бўляпти. Қанақасига бундай бўлиши мумкин? Захирада Бэйл ва Азар ўтирибди, аммо биринчи ўзгариш – Мариано. У жорий мавсумда бармоқ билан санарли даражада майдонга тушганди», – деди Гути.