Niderlandiya terma jamoasi matbuot xizmati xabariga ko‘ra, bosh murabbiy Lui Van Gal koronavirus uchun topshirgan test natijasi musbat ko‘rinish berdi va keyingi bir necha kunni izolyasiyada o‘tkazishiga to‘g‘ri keladi.
Eslatib o‘tamiz, niderlandiyaliklar o‘z saralash guruhida birinchi o‘rinni egallab, Qatardagi jahon chempionatiga to‘g‘ridan-to‘g‘ri yo‘llanmani qo‘lga kiritgan edi. Jahon chempionati joriy yilning 21 noyabridan 18 dekabriga qadar bo‘lib o‘tadi.
26 mart, shanba kuni Niderlandiya terma jamoasi Daniyaga, 29 mart kuni esa Germaniyaga qarshi o‘rtoqlik uchrashuvi o‘tkazadi. Ushbu bellashuvlarda Lua Van Gal terma jamoani boshqara olmaydi.
