Нидерландия терма жамоаси матбуот хизмати хабарига кўра, бош мураббий Луи Ван Гал коронавирус учун топширган тест натижаси мусбат кўриниш берди ва кейинги бир неча кунни изоляцияда ўтказишига тўғри келади.
Эслатиб ўтамиз, нидерландияликлар ўз саралаш гуруҳида биринчи ўринни эгаллаб, Қатардаги жаҳон чемпионатига тўғридан-тўғри йўлланмани қўлга киритган эди. Жаҳон чемпионати жорий йилнинг 21 ноябридан 18 декабрига қадар бўлиб ўтади.
26 март, шанба куни Нидерландия терма жамоаси Данияга, 29 март куни эса Германияга қарши ўртоқлик учрашуви ўтказади. Ушбу беллашувларда Луа Ван Гал терма жамоани бошқара олмайди.
