Turkiya va “Lill” hujumchisi Burak Yilmaz terma jamoadagi faoliyatini yakunlayotganini ma’lum qildi.
"Penalti tepish huquqiga ega bo‘lganimizda, men o‘zimga bu hal qiluvchi daqiqa ekanligini aytdim. Hafsalam pir bo‘ldi, chunki men bir soniya ham noaniq zarba berishimni tasavvur ham qilmaganman. Uzr so‘rayman.
Bunday o‘yindan keyin tugatishni xohlamagan bo‘lardim, lekin o‘yinni davom ettirish to‘g‘ri emas deb o‘ylayman. Mening qarorim hissiy emas. Men uni ancha o‘ylab qabul qilyapman. Ammo agar g‘ayrioddiy bir narsa yuz bersa, men yordam berishga tayyorman", - deydi Yilmaz.
Yilmaz Turkiya terma jamoasi safida 77ta o‘yin o‘tkazib, 31ta gol urgan. Bu ko‘rsatkich bo‘yicha 36 yoshli hujumchi 112 o‘yinda 51 gol urgan Xoqon Shukurdan keyin ikkinchi o‘rinda bormoqda.
