Amerikalik ishbilarmonlarning arizalari "Chelsi"ning yangi xo‘jayinlari bo‘lish huquqi uchun kurashda yetakchilik qilmoqda, deb yozadi The Financial Times.
Manbaga ko‘ra, London klubini sotib olishga asosiy da’vogarlar Todd Beli va Josh Xarris konsorsiumlari hisoblanadi.
Ikkala ishbilarmon ham boshqa sport turlarida ham xuddi shunday tajribaga ega. Beli "Los-Andjeles Dodjers" beysbol jamoasiga egalik qiladi va Xarris sherigi Devid Blitzer bilan NBAning "Filadelfiya Sventi Sikserz" jamoasini boshqaradi.
Eslatib o‘tamiz, avvalroq Buyuk Britaniya hukumati "Chelsi" xo‘jayini Roman Abramovichga nisbatan sanksiyalar joriy etib, rossiyalik tadbirkorni klubni sotuvga qo‘yishga majbur qilgandi.