“Monako” yarim himoyachisi Aureliyen Tchuameni faoliyatini top-klubda davom ettirishi mumkin. Bu haqda Goal.com nashri xabar bermoqda.

Manbaning xabariga ko‘ra, fransiyalik futbolchiga "Real Madrid", "PSJ" va nomi tilga olinmagan yana 3 ta top-klub qiziqish bildirmoqda.

Qayd etilishicha, futbolchi hech qaysi klub bilan hozircha muzokaralarni boshlamagan. "Qaymoqranglilar" rahbariyati Tchuamenining transferi borasida hali qaror qabul qilgani yo‘q, chunki Kilian Mbappe va Erling Xoland bo‘yicha kelishuvlar ular uchun ustuvor vazifa deb hisoblangan.