"Napoli" himoyachi Kalidu Kulibalini jamoada saqlab qolmoqchi va futbolchi bilan shartnomani uzaytirmoqchi, deb xabar beradi Calciomercato.
30 yoshli senegallik futbolchining klub bilan amaldagi shartnomasi 2023 yilning yozida yakuniga yetadi. Yangi shartnomaga ko‘ra, klub unga mavsum uchun 5 million yevro to‘lashga tayyor.
Shuningdek, “Napoli” MLS klubi bilan shartnoma borasida kelishib olgan Lorenso Insinye ketganidan keyin Kulibalini yangi jamoa sardori qilmoqchi.
Joriy mavsumda himoyachi neapolliklar safida barcha musobaqalarda 27 ta o‘yinda maydonga tushib, 2 ta gol urdi va 2 ta golli uzatmani amalga oshirdi.
