"Наполи" ҳимоячи Калиду Кулибалини жамоада сақлаб қолмоқчи ва футболчи билан шартномани узайтирмоқчи, деб хабар беради Calciomercato.

30 ёшли сенегаллик футболчининг клуб билан амалдаги шартномаси 2023 йилнинг ёзида якунига етади. Янги шартномага кўра, клуб унга мавсум учун 5 миллион евро тўлашга тайёр.

Шунингдек, “Наполи” МЛС клуби билан шартнома борасида келишиб олган Лоренсо Инсинье кетганидан кейин Кулибалини янги жамоа сардори қилмоқчи.

Жорий мавсумда ҳимоячи неаполликлар сафида барча мусобақаларда 27 та ўйинда майдонга тушиб, 2 та гол урди ва 2 та голли узатмани амалга оширди.