«PSJ» vingeri Anxel Di Mariyaning otasi o‘g‘li faoliyatini yakunlashdan oldin «Rosario Sentral» jamoasiga qaytishini tasdiqladi. Bu haqda Radio La Red xabar bermoqda.

Di Mariyaning parijliklar bilan amaldagi shartnomasi mavsum oxirida yakuniga yetadi. Shartnomani uzaytirish borasida muzokaralar hali bo‘lib o‘tgani yo‘q.

Joriy mavsumda 34 yoshli argentinalik futbolchi klub safida barcha turnirlar doirasida 25 ta o‘yinda maydonga tushib, 3 ta gol urdi va 5 ta golli uzatmani amalga oshirdi.

Eslatib o‘tamiz, Di Mariya «Rosario Sentral» jamoasi tarbiyalanuvchisi sanaladi.