«ПСЖ» вингери Анхел Ди Мариянинг отаси ўғли фаолиятини якунлашдан олдин «Росарио Сентраль» жамоасига қайтишини тасдиқлади. Бу ҳақда Radio La Red хабар бермоқда.
Ди Мариянинг парижликлар билан амалдаги шартномаси мавсум охирида якунига етади. Шартномани узайтириш борасида музокаралар ҳали бўлиб ўтгани йўқ.
Жорий мавсумда 34 ёшли аргентиналик футболчи клуб сафида барча турнирлар доирасида 25 та ўйинда майдонга тушиб, 3 та гол урди ва 5 та голли узатмани амалга оширди.
Эслатиб ўтамиз, Ди Мария «Росарио Сентраль» жамоаси тарбияланувчиси саналади.