Portugaliyaning A Bola nashri xabariga ko‘ra, «Portu» yarim himoyachisi Otavio «Nyukasl» tomonidan nishonga olingan.

Premyer-liga klubi vakillari Otavioning o‘yinlarini tomosha qilish uchun Portugaliyaga bir necha bor tashrif buyurishgan va yozgi transfer oynasida futbolchi uchun kurashmoqchi.

Xabar qilinishicha, Otavioning klubi bilan tuzilgan shartnomasida tovon puli 60 million yevroni tashkil etadi. Oldinroq futbolchiga «Manchester Yunayted» va «Liverpul» klublari ham qiziqish bildirayotgani haqida xabarlar tarqalgan edi.

Joriy mavsumda futbolchi Portugaliya chempionatida 25 ta o‘yin o‘tkazib, 3 ta gol urdi va 11 ta golli uzatmani amalga oshirdi.