Португалиянинг A Bola нашри хабарига кўра, «Порту» ярим ҳимоячиси Отавио «Ньюкасл» томонидан нишонга олинган.
Премьер-лига клуби вакиллари Отавионинг ўйинларини томоша қилиш учун Португалияга бир неча бор ташриф буюришган ва ёзги трансфер ойнасида футболчи учун курашмоқчи.
Хабар қилинишича, Отавионинг клуби билан тузилган шартномасида товон пули 60 миллион еврони ташкил этади. Олдинроқ футболчига «Манчестер Юнайтед» ва «Ливерпуль» клублари ҳам қизиқиш билдираётгани ҳақида хабарлар тарқалган эди.
Жорий мавсумда футболчи Португалия чемпионатида 25 та ўйин ўтказиб, 3 та гол урди ва 11 та голли узатмани амалга оширди.
