«PSJ» hujumchisi Neymar keyingi mavsumda ham jamoada qolish niyatida.

Goal portalining yozishicha, jamoaning Chempionlar ligasidan tushib ketishi va muxlislarning noroziligi braziliyalik futbolchini yozda yangi klub izlashga majburlamaydi. Neymar Fransiya poytaxtida baxtli va boshqa jamoaga o‘tishni istamayapti.

30 yoshli futbolchi joriy mavsumda «PSJ» safida barcha turnirlarda 21 ta o‘yinda maydonga tushib, 5 ta gol urdi va 5 ta golli uzatmani amalga oshirdi.

Uning klub bilan shartnomasi 2025 yilning yoziga qadar mo‘ljallangan. Transfermarkt portali futbolchining narxini 90 million yevroga baholamoqda.