«ПСЖ» ҳужумчиси Неймар кейинги мавсумда ҳам жамоада қолиш ниятида.
Goal порталининг ёзишича, жамоанинг Чемпионлар лигасидан тушиб кетиши ва мухлисларнинг норозилиги бразилиялик футболчини ёзда янги клуб излашга мажбурламайди. Неймар Франция пойтахтида бахтли ва бошқа жамоага ўтишни истамаяпти.
30 ёшли футболчи жорий мавсумда «ПСЖ» сафида барча турнирларда 21 та ўйинда майдонга тушиб, 5 та гол урди ва 5 та голли узатмани амалга оширди.
Унинг клуб билан шартномаси 2025 йилнинг ёзига қадар мўлжалланган. Transfermarkt портали футболчининг нархини 90 миллион еврога баҳоламоқда.
