"Yuventus" himoyachi Mattia De Shilyo bilan shartnomani uzaytirmoqchi, deya xabar beradi jurnalist Nikolo Skira.
Manbaning xabariga ko‘ra, klub bugun 29 yoshli italiyalikning agentlari bilan yig‘ilish o‘tkazadi. "Yuventus" futbolchiga 2025 yilning iyunigacha mavsumiga 2 million yevro maosh bilan shartnoma taklif qilmoqda.
Jamoa bosh murabbiyi Massimiliano Allegri futbolchini o‘ng qanotda samarali variant deb hisoblamoqda va uni tarkibda saqlab qolmoqchi.
2021/22 yilgi mavsumda De Shilyo “Yuventus” safida 24 ta o‘yinda maydonga tushib, 1 ta gol urdi va 3 ta golli uzatmani amalga oshirdi. Himoyachining amaldagi shartnomasi 2022 yilning iyun oyi oxirigacha amal qiladi.
