"Ювентус" ҳимоячи Маттиа Де Шильо билан шартномани узайтирмоқчи, дея хабар беради журналист Николо Скира.
Манбанинг хабарига кўра, клуб бугун 29 ёшли италияликнинг агентлари билан йиғилиш ўтказади. "Ювентус" футболчига 2025 йилнинг июнигача мавсумига 2 миллион евро маош билан шартнома таклиф қилмоқда.
Жамоа бош мураббийи Массимилиано Аллегри футболчини ўнг қанотда самарали вариант деб ҳисобламоқда ва уни таркибда сақлаб қолмоқчи.
2021/22 йилги мавсумда Де Шильо “Ювентус” сафида 24 та ўйинда майдонга тушиб, 1 та гол урди ва 3 та голли узатмани амалга оширди. Ҳимоячининг амалдаги шартномаси 2022 йилнинг июнь ойи охиригача амал қилади.
