"PSJ" yozda hujumchi Neymarni sotishni ko‘rib chiqmoqda, deb xabar beradi Telefoot.
Biroq, 30 yoshli braziliyalikning yuqori maoshi boshqa klublarni muzokaralar olib borishdan to‘xtatmoqda. Hozircha parijliklar Neymar borasida birorta ham taklif olmagan.
Avvalroq, jamoaning Chempionlar ligasini tark etishi va muxlislarning noroziligi braziliyalik futbolchini yozda yangi klub izlashga majbur etmasligi haqida ma’lumotlar paydo bo‘lgandi. Neymar Fransiya poytaxtida baxtli va boshqa klubga o‘tishni istamayapti.
Uning klub bilan shartnomasi 2025 yilning yoziga qadar mo‘ljallangan. Transfermarkt portali futbolchining narxini 90 million yevroga baholamoqda.
