"Barselona" klubi hujumchi Usmon Dembele bilan yangi shartnoma borasida muzokaralarni davom ettirmoqda.
Bu tashabbus Kataloniya klubi bosh murabbiyi Xavi tomonidan ilgari surildi, deb xabar beradi Marca.
Amaldagi kelishuv 2022 yilning iyun oyi oxirigacha amal qiladi.
Qayd etilishicha, futbolchi tomoni “Barselona”ning yangi taklifini tinglashga kelishib olgan va yaqin haftalarda klub rahbariyati bilan yig‘ilish o‘tkazadi.
24 yoshli hujumchi Kataloniya jamoasida 2017 yilning avgust oyidan buyon to‘p tepmoqda. 2021/22 yilgi mavsumda Dembele jamoa safida barcha musobaqalarda 21 ta o‘yinda maydonga tushib, 2 ta gol urdi va 9 ta golli uzatmani amalga oshirdi.
