"Liverpul" bosh murabbiyi Yurgen Klopp Dortmundning "Borussiya" klubi hujumchisi Erlin Xolandni jamoasiga o‘tmasligini aytdi.
“Biz Xoland bilan shartnoma imzolashga yaqin ham emasmiz. Ommaviy axborot vositalarida paydo bo‘lgan xabarlar noto‘g‘ri. Biz bu transferda ishtirok etmaymiz, imkoniyat yo‘q. Rostini aytsam, men bunday kelishuvlarni xohlamayman. Bu umuman qiziq emas", - deya Kloppdan iqtibos keltiradi Sky Sports, Bild nashriga tayanib.
Nemis OAVlarining yozishicha, Xolandning transfer narxi 300 million yevrodan ko‘proqni tashkil qilishi mumkin (futbolchining maoshi, agentlik gonorarlari va bonuslar bilan birga).
2021/22 yilgi mavsumda Xoland “Borussiya” safida 24 ta o‘yinda maydonga tushib, 23 ta gol urdi va 6 ta golli uzatmani amalga oshirdi.
