"Ливерпуль" бош мураббийи Юрген Клопп Дортмунднинг "Боруссия" клуби ҳужумчиси Эрлин Холандни жамоасига ўтмаслигини айтди.
“Биз Холанд билан шартнома имзолашга яқин ҳам эмасмиз. Оммавий ахборот воситаларида пайдо бўлган хабарлар нотўғри. Биз бу трансферда иштирок этмаймиз, имконият йўқ. Ростини айтсам, мен бундай келишувларни хоҳламайман. Бу умуман қизиқ эмас", - дея Клоппдан иқтибос келтиради Sky Sports, Bild нашрига таяниб.
Немис ОАВларининг ёзишича, Холанднинг трансфер нархи 300 миллион евродан кўпроқни ташкил қилиши мумкин (футболчининг маоши, агентлик гонорарлари ва бонуслар билан бирга).
2021/22 йилги мавсумда Холанд “Боруссия” сафида 24 та ўйинда майдонга тушиб, 23 та гол урди ва 6 та голли узатмани амалга оширди.
