«Арсенал» ҳужумчиси Габриэл Жезуснинг «Барселона»га эҳтимолий трансфери каталонияликларнинг Хулиан Альварес бўйича режаларига таъсир қилмайди.

Mundo Deportivo журналисти Фернандо Поло маълумотига кўра, «Барселона» ҳамон «Атлетико» форвардига қизиқиш билдирмоқда ва кейинги трансфер ойнасида аргентиналик футболчини қўлга киритиш учун яна бир бор ҳаракат қилиши мумкин.

Шу тариқа, Габриэл Жезус ҳужум чизиғини кучайтириш учун алоҳида вариант сифатида кўриб чиқилмоқда. У Альвареснинг якуний ўринбосари сифатида баҳоланмаяпти.

Аввалроқ «Барселона» 29 ёшли Жезуснинг эҳтимолий трансфери устида иш бошлагани хабар қилинган эди.

Бразилиялик ҳужумчининг «Арсенал» билан амалдаги шартномаси 2027 йил ёзига қадар мўлжалланган.