«Галатасарой» «Милан» вингери Рафаэл Леауни ўз сафига қўшиб олганини расман эълон қилди.

Туркия клуби трансфернинг молиявий тафсилотларини ҳам очиқлади. Келишувга кўра, «Галатасарой» 27 ёшли футболчи учун «Милан»га 38 миллион евро тўлайди.

Шунингдек, италияликлар Леаунинг кейинги трансферидан олинадиган фойданинг 20 фоизига эга бўлади.

Португалиялик футболчи «Галатасарой» билан 2030 йилга қадар мўлжалланган шартнома имзолади. У ҳар бир мавсум учун 10 миллион евро миқдорида кафолатланган маош олади.

Леау 2019 йилдан буён «Милан» шарафини ҳимоя қилиб келаётган эди. У Италия клубига «Лилль»дан кўчиб ўтган.

Футболчи «россонери» сафида Италия чемпиони бўлди ва мамлакат Суперкубогини ҳам қўлга киритди.