«Marsel» yarim himoyachisi Bubakar Kamara «Atletiko»ga o‘tishga yaqin turibdi.
22 yoshli fransiyalik futbolchining «Marsel» bilan shartnomasi mavsum so‘ngida tugaydi va futbolchi uni uzaytirishni istamadi. Kamaraga «Manchester Yunayted», «Nyukasl», «Tottenxem» va «Aston Villa» qiziqish bildirgan.
Biroq, «Atletiko Madrid» yosh yarim himoyachi uchun kurashda ingliz klublaridan favorit ko‘rinadi. Jurnalist Nikolo Skiraning yozishicha, agar futbolchi «matraschilar» bilan shartnoma imzolashga rozi bo‘lsa, Madridda yiliga 4,5 million yevro ishlab oladi.
Bubakar Kamara «Marsel» safida joriy mavsumda barcha musobaqalarda 37ta o‘yin o‘tkazib, raqib darvozasiga bir marta gol urdi.
