«Марсель» ярим ҳимоячиси Бубакар Камара «Атлетико»га ўтишга яқин турибди.
22 ёшли франциялик футболчининг «Марсель» билан шартномаси мавсум сўнгида тугайди ва футболчи уни узайтиришни истамади. Камарага «Манчестер Юнайтед», «Ньюкасл», «Тоттенхэм» ва «Астон Вилла» қизиқиш билдирган.
Бироқ, «Атлетико Мадрид» ёш ярим ҳимоячи учун курашда инглиз клубларидан фаворит кўринади. Журналист Николо Скиранинг ёзишича, агар футболчи «матрасчилар» билан шартнома имзолашга рози бўлса, Мадридда йилига 4,5 миллион евро ишлаб олади.
Бубакар Камара «Марсель» сафида жорий мавсумда барча мусобақаларда 37та ўйин ўтказиб, рақиб дарвозасига бир марта гол урди.
