"Leypsig" hujumkor yarim himoyachisi Kristofer Nkunku "Barselona"ning e’tiboriga tushdi. Sport.es xabariga ko‘ra, ispan klubi yozda 24 yoshli futbolchini sotib olmoqchi.
Nemis klubi futbolchini 70 million yevro evaziga qo‘yib yuborishga tayyor. Avvalroq "PSJ" hujumchi uchun taklif tayyorlayotgani xabar qilingandi.
Hujumchining “Leypsig” bilan amaldagi shartnomasi 2024 yilda yakuniga etadi. Nkunku joriy mavsumda “buqalar” safida barcha turnirlar doirasida 39 ta o‘yinda maydonga tushib, 26 ta gol urdi va 16 ta golli uzatmani amalga oshirdi.
