Roman Abramovich "Valensiya"ni sotib olishi mumkin. Yana bir da’vogar - sobiq vise-prezident Migel Sorio.
Klub aksiyalarini qo‘lga kiritish niyati borligini ma’lum qilgan "Valensiya"ning sobiq vise-prezidenti Migel Sorio OAVga xarid uchun yana bir da’vogar - Roman Abramovich haqida gapirib berdi. Sorio ispan jurnalistlariga press-reliz yubordi, unda u rossiyalik oligarxning "Valensiya"ning hozirgi egasi Piter Limga taklifini e’lon qildi.
“Piter Lim London klubini 250 million yevroga sotmoqchi bo‘ldi, ammo muvaffaqiyatga erishmadi. Yaqinda u OAVga klubni sotib olish bo‘yicha ikkita taklif borligini aytdi: meniki va "Chelsi"dagi rossiyalik oligarxdan.
Va u yo o‘zi keltirgan yo‘qotishlarni qoplash uchun har yili klubga 50 million sarmoya kiritishini yoki "Valensiya"ni bizga sotishini aytdi", - deya Sorio so‘zlaridan iqtibos keltiradi Sorio El Desmarque
"Valensiya"ni sotish haqida gap-so‘zlar ko‘p yillardan buyon davom etmoqda: ispan jamoasining muxlislari va afsonalari tinmay Limdan klubdan ketishini so‘rashmoqda. Inqirozda Piter o‘z aksiyalarini sotishi mumkin. To‘g‘ri, bu aksiyalarni Abramovich sotib olishi haqiqat emas.
"Valensiya"ning moliyaviy inqirozi Limning siyosati bilan bog‘liq. Klub haligacha yangi “Nou Mestalya” stadioni qurilishini yakunlay olmayapti. Shuningdek, Lim deyarli tarkibni kuchaytirishga sarmoya kiritmaydi: o‘tgan yozda klub Markos Andre, Giorgi Mamardashvili va Dimitri Fulkiye bilan shartnoma imzolagandi va bungacha ular deyarli ikki yil davomida transferlarsiz qolishgandi. Ammo "Valensiya" faol ravishda yetakchilarni sotdi: Ferran Torres "Manchester Siti"ga, Rodrigo "Lids"ga, Kondogbia "Atletiko"ga, Koklen va Parexo esa "Vilyarreal" bilan Chempionlar ligasida shov-shuv ko‘tarishmoqda. Yetakchi futbolchilarni berib, evaziga hech kim bilan shartnoma imzolamasang, klub La Liga gigantlari qatoridan chiqib ketishi mantiqan to‘g‘ri. "Valensiya" turnir jadvalining ikkinchi yarmiga mustahkam o‘rnashib oldi va ketma-ket uchinchi mavsumki yevrokuboklarda ishtirok etmayapti.
"Valensiya"ning faol muxlislari Limdan g‘azablanishdi: o‘tgan yilning oxirida 15 mingga yaqin odam stadion oldiga "Lim, uyga qayt!", yozuvi yozilgan bannerlar bilan yig’ilishdi. Jamoa egasining qizi Kim Lim ijtimoiy tarmoqlardagi hujumlarga shunday javob bergandi: "Klub bizga tegishli va biz u bilan xohlaganimizni qila olamiz va hech kim bizga hech narsa aytishga haqli emas".
Limning eng faol raqibi sobiq vise-prezident Sorio Abramovichning klubga qiziqishi haqida gapirdi. Sorio "Valensiya"ga Ispaniya futbol elitasiga qaytishga yordam bermoqchi va yana "Real" va "Barselona" bilan raqobatlashmoqchi (Limagacha bo‘lgani kabi). aprel oyi oxirida u matbuot anjumanini o‘tkazadi va u jurnalistlarga Limning xatti-harakatlari "Valensiya" inqiroziga nima olib kelgani va uning klubni sotib olish taklifi qanday afzalliklarga ega ekanligi haqida batafsil aytib beradi.
Abramovichga kelsak, oligarx tomonidan yangi klub sotib olish kontekstidagi shunga o‘xshash ma’lumotlar turk OAVlaridan kelib chiqqan bo‘lib, u “Geztepe”ga qiziqish bildirgan. Ammo oligarx vakillari bu ma’lumotni rad etishdi - klub ham bu soxta ekanligini aniqladi. Abramovichning "Valensiya"ga qiziqishi ham rasman hozircha tasdiqlanmagan - barcha ma’lumotlar Soriodan olingan.
Ayni paytda Abramovichning moliyaviy ahvoli ispan klubini qo‘lga kiritish uchun yetarli bo‘lmasligi mumkin. Oligarxning muammolari haqida Amerikaning Page Six nashri aytib o‘tdi, unda Abramovich o‘zining nufuzli do‘stlaridan 1 million dollar qarz so‘ragani aytilgan.
“U o‘z xodimlarining haftasiga 750 ming dollar maoshini hech qachon olib qo‘ymaganini aytdi. Ammo uning aktivlari muzlatilganligi sababli u bu summani to‘lay olmaydi. Abramovich yordam so‘rab Gollivud prodyuseri va rejissyori Brett Ratner va Rotshildlar oilasiga murojaat qilgan, biroq ular unga pul berishdan bosh tortishgan”, — deb yozadi nashr.
Fevral oyida Buyuk Britaniya va Yevropa Ittifoqi Abramovichga nisbatan sanksiyalar kiritdi, uning boyligi 14,3 milliard dollarga teng (Bloomberg). Abramovichning aktivlari Amerika xej-fondlari tomonidan muzlatib qo‘yilgan, bu esa oligarxga tegishli bo‘lgan "Chelsi"da chiptalar va homiylarni sotish bilan bog‘liq muammolarni keltirib chiqargan.
Sanksiyalar Abramovichga barcha takliflar ko‘rib chiqilgandan so‘ng aprel oyi oxirida yangi xo‘jayinga ega bo‘ladigan London klubini sotishdan foyda olishiga to‘sqinlik qiladi. Barcha omillarni inobatga olgan holda, Roman Arkadevich hozirda ko‘plab majburiyatlar va katta umidlar mavjud bo‘lgan “Valensiya” timsolidagi yukni o‘z zimmasiga olishga tayyor ekanligi shubhali. Stadion qurilishini tugatish kerak. Inqiroz va natijalar tufayli ko‘p yillar davomida qiynalayotgan muxlislar hurmatini qozonish rossiyalik milliarderning zimmasiga yuklatilishi mumkin. Hozirgi vaziyatda Roman bunga tayyormi?
