«Lasio» yarim himoyachisi Sergey Milinkovich-Savich «Manchester Yunayted»ga o‘tishi mumkin.
«Qizil iblislar» yangi mavsum oldidan yarim himoya chizig‘ini kuchaytirishga harakat qilmoqda va 27 yoshli serbiyalik futbolchini eng munosib nomzodlardan biri sifatida ko‘rmoqda. Sport Witness nashri xabariga ko‘ra, «Yunayted» yozda Milinkovich-Savich transferi uchun «Lasio»ga 70 million yevro taklif qiladi. Ingliz klubi bu summa muzokaralarning muvaffaqiyatli yakunlanishi uchun yetarli bo‘lishi kerak, deb hisoblamoqda.
«Manchester Yunayted» markaziy yarim himoyachi uchun Turinning «Yuventus» jamoasi bilan raqobatlashishi kerak, sababi italiyaliklarning vakillari allaqachon futbolchining agenti bilan potensial transferni muhokama qilishgan.
