«Лацио» ярим ҳимоячиси Сергей Милинкович-Савич «Манчестер Юнайтед»га ўтиши мумкин.
«Қизил иблислар» янги мавсум олдидан ярим ҳимоя чизиғини кучайтиришга ҳаракат қилмоқда ва 27 ёшли сербиялик футболчини энг муносиб номзодлардан бири сифатида кўрмоқда. Sport Witness нашри хабарига кўра, «Юнайтед» ёзда Милинкович-Савич трансфери учун «Лацио»га 70 миллион евро таклиф қилади. Инглиз клуби бу сумма музокараларнинг муваффақиятли якунланиши учун етарли бўлиши керак, деб ҳисобламоқда.
«Манчестер Юнайтед» марказий ярим ҳимоячи учун Туриннинг «Ювентус» жамоаси билан рақобатлашиши керак, сабаби италияликларнинг вакиллари аллақачон футболчининг агенти билан потенциал трансферни муҳокама қилишган.
