Joriy mavsumda jarohat sabab o‘ynay olmagan «Roma»ning chap qanot himoyachisi Leonardo Spinassola Italiya terma jamoasi va Roberto Manchini haqida o‘z fikrlari bilan o‘rtoqlashdi.
Uning yo‘qligi italiyaliklarning so‘nggi muvaffaqiyatsizligiga hissa qo‘shganmi degan savolga, Spinassola shunday javob berdi: «Jahon chempionatiga Spinasola yoki Federiko Kyeza emas, balki Italiya jamoasi chiqa olmadi. Bu jiddiy zarba bo‘ldi, lekin biz qaytamiz. Menda hech qanday tushuntirish yo‘q - bu mening ishim emas. Ammo futbol shunday, har qanday raqibga qarshi o‘zingni maksimal darajada ko‘rsatishing kerak», - deya Yevro-2020 qahramonlaridan birining so‘zlarini keltiradi Tuttomercatoweb.
Spinassola Italiya terma jamoasi bosh murabbiyi Roberto Manchinini ham qo‘llab-quvvatladi: «Bugun sen qirolsan, ertaga esa... Murabbiy biz bilan qolganidan va terma jamoani boshqarishda davom etishidan xursandman. U aql bovar qilmaydigan ish qilgan».
