«Chelsi» bosh murabbiyi Tomas Tuxel «Real»ga qarshi chorak final javob o‘yini arafasida APLda hamon qo‘llaniladigan «uchta almashtirish» qoidasini tanqid qildi.
«Biz jismoniy nuqtai nazaridan juda qiyin ahvolga tushib qoldik. «Real Madrid» butun mavsumni o‘yin davomida beshta almashtirish imkoniyati bilan o‘ynadi», — dedi Tuxel o‘yindan oldingi matbuot anjumanida.
Uning qo‘shimcha qilishicha, «Chelsi» uchta «front»da o‘ynamoqda va har bir o‘yinda uchta o‘zgarish o‘z formasini tiklash uchun juda kam.
«Biz eng talabchan ligada o‘ynaymiz, mavsum davomida va 2022 yil davomida eng ko‘p o‘yin o‘tkazamiz, shuning uchun jismonan kuchli o‘yin o‘tkazish har doim ham oson emas», — dedi «Chelsi» bosh murabbiyi.
