«Челси» бош мураббийи Томас Тухель «Реал»га қарши чорак финал жавоб ўйини арафасида АПЛда ҳамон қўлланиладиган «учта алмаштириш» қоидасини танқид қилди.
«Биз жисмоний нуқтаи назаридан жуда қийин аҳволга тушиб қолдик. «Реал Мадрид» бутун мавсумни ўйин давомида бешта алмаштириш имконияти билан ўйнади», — деди Тухел ўйиндан олдинги матбуот анжуманида.
Унинг қўшимча қилишича, «Челси» учта «фронт»да ўйнамоқда ва ҳар бир ўйинда учта ўзгариш ўз формасини тиклаш учун жуда кам.
«Биз энг талабчан лигада ўйнаймиз, мавсум давомида ва 2022 йил давомида энг кўп ўйин ўтказамиз, шунинг учун жисмонан кучли ўйин ўтказиш ҳар доим ҳам осон эмас», — деди «Челси» бош мураббийи.
