“Lasio” yarim himoyachisi Sergey Milinkovich-Savich yozda Rim klubini tark etishi mumkin. 27 yoshli serbga asosiy davogar "Yuventus" hisoblanadi.
La Gazette Dello Sport xabariga ko‘ra, futbolchiga "PSJ" ham da’vogarlik qilmoqda.
Milinkovich-Savichning Rim klubi bilan shartnomasi 2024 yilning yoziga qadar mo‘ljallangan. Transfermarkt portali futbolchini 70 million yevroga baholamoqda.
Joriy mavsumda serbiyalik yarim himoyachi “Lasio” safida jami 40 ta o‘yinda maydonga tushib, 9 ta gol urdi va 10 ta golli uzatmani amalga oshirdi.
