“Лацио” ярим ҳимоячиси Сергей Милинкович-Савич ёзда Рим клубини тарк этиши мумкин. 27 ёшли сербга асосий давогар "Ювентус" ҳисобланади.
La Gazette Dello Sport хабарига кўра, футболчига "ПСЖ" ҳам даъвогарлик қилмоқда.
Милинкович-Савичнинг Рим клуби билан шартномаси 2024 йилнинг ёзига қадар мўлжалланган. Transfermarkt портали футболчини 70 миллион еврога баҳоламоқда.
Жорий мавсумда сербиялик ярим ҳимоячи “Лацио” сафида жами 40 та ўйинда майдонга тушиб, 9 та гол урди ва 10 та голли узатмани амалга оширди.
