"Barselona" "Ayntraxt" muxlislariga chipta sotish orqali katta pul ishlab oldi.

Kataloniyada bo‘lib o‘tgan Yevropa ligasi o‘yiniga (2:3) nemis klubining ko‘plab muxlislari tashrif buyurishdi. Turli hisob-kitoblarga ko‘ra, ular soni 20 mingdan 30 minggacha bo‘lgan. Shu sabab “Barsa” muxlislarining bir qismi norozilik sifatida tribunani tark etishdi.

“Biz uch million yevroga yaqin daromad oldik [uchun barcha chiptalarni sotishdan]. Ammo bu bizni xursand qilmadi.

Kecha sodir bo‘lgan voqealar uchun asosiy mas’uliyat klub zimmasiga tushadi. Biz narsalarni yaxshilab o‘ylab ko‘rishimiz kerak. 

Klub raqib muxlislarning chipta sotib olishiga yo‘l qo‘ymaslik uchun barcha choralarni ko‘rdi, ammo ular yetarli emas edi. "Ayntraxt" muxlislari chiptalarni qanday qo‘lga kiritishganini hozircha bilmaymiz. Tez orada buni bilib olamiz va tushuntirib beramiz”, - dedi “Barselona” vise-prezidenti Yelena Fort.