“Barselona” himoyachisi Ronald Arauxo Yevropa ligasining 1/4 finalida “Ayntraxt”ga qarshi o‘yin o‘yin haqida fikr bildirdi.
Kataloniyaliklar 2:3 hisobida mag‘lub bo‘lishdi va turnirdan chiqib ketishdi.
“Ushbu o‘yinda mag‘lub bo‘lish juda achinarli. Natijaga qaramay, yaxshi o‘yin o‘tkazdik. Ular kerakli vaqtda zarba berishdi. Ular 3 marta darvozamizga xavf tug‘dirishdi va 3 ta gol urishdi.
Yo‘l qo‘ymaslik kerak bo‘lgan xatolar bor va shuning uchun biz mag‘lub bo‘ldik. Qarshi hujumlarda ko‘proq sabr va hushyorlik ko‘rsatishimiz kerak edi. Biz bu vaziyatlarga yaxshiroq moslashimiz kerak edi."
"Ayntraxt" muxlislari haqida:
“Bunchalik ko‘p ekaniga hayronman. Klub bu haqda o‘ylab ko‘rishi kerak".
Turnirni tark etish haqida:
«Bu jamoaning saviyasini, sifatini hisobga olsak, ha, bu omadsizlik deb aytishimiz mumkin, chunki biz Yevropa ligasida g‘alaba qozonishni xohlagandik. Biz boshimizni ko‘tarishimiz kerak. Biz baxtlimiz. Chempionat va keyingi mavsum bor, bu shubhasiz ajoyib bo‘ladi”, - dedi Arauxo.
