“Барселона” ҳимоячиси Роналд Араухо Европа лигасининг 1/4 финалида “Айнтрахт”га қарши ўйин ўйин ҳақида фикр билдирди.

Каталонияликлар 2:3 ҳисобида мағлуб бўлишди ва турнирдан чиқиб кетишди.

“Ушбу ўйинда мағлуб бўлиш жуда ачинарли. Натижага қарамай, яхши ўйин ўтказдик. Улар керакли вақтда зарба беришди. Улар 3 марта дарвозамизга хавф туғдиришди ва 3 та гол уришди.

Йўл қўймаслик керак бўлган хатолар бор ва шунинг учун биз мағлуб бўлдик. Қарши ҳужумларда кўпроқ сабр ва ҳушёрлик кўрсатишимиз керак эди. Биз бу вазиятларга яхшироқ мослашимиз керак эди."

"Айнтрахт" мухлислари ҳақида:

“Бунчалик кўп эканига ҳайронман. Клуб бу ҳақда ўйлаб кўриши керак".

Турнирни тарк этиш ҳақида:

«Бу жамоанинг савиясини, сифатини ҳисобга олсак, ҳа, бу омадсизлик деб айтишимиз мумкин, чунки биз Европа лигасида ғалаба қозонишни хоҳлагандик. Биз бошимизни кўтаришимиз керак. Биз бахтлимиз. Чемпионат ва кейинги мавсум бор, бу шубҳасиз ажойиб бўлади”, - деди Араухо.