Франциялик машҳур собиқ ҳужумчи Давид Трезеге 39 ёшли аргентиналик ҳужумчи Лионель Мессининг ЖЧ-2026 даги ўйини ҳақида фикр билдирди. Унинг фикрича, Лео турнирнинг энг яхши футболчиси соврини учун Килиан Мбаппе билан курашади.
«Месси яна бир бор ўзининг буюк футболчи эканлигини исботламоқда. У соврин учун Мбаппе билан курашяпти. Бу яққол кўриниб турибди. Лео 39 ёшида ҳам ҳайратланарли спорт формасида», — дея собиқ футболчининг сўзларини келтиради Fonbet ютуб-канали.
Эслатиб ўтамиз, мундиалда Месси ва Мбаппе саккизтадан гол уришган.
Жаҳон чемпионати ярим финалида Аргентина Англияга қарши ўйнайди, Франция эса Испания билан тўқнаш келади.
