Мадриднинг "Реал" клуби ярим ҳимоячиси Жуд Беллингем "Вильярреал"га қарши учрашувда (1:0) Винисиус Жуниорнинг майдондан четлатилишига кескин муносабат билдирди.
Баҳснинг 71-дақиқасида бразилиялик қанот ҳужумчиси рақиб дарвозасини ишғол қилиб, мадридликларнинг устунлигини икки тўпга етказган эди. Бироқ орадан кўп ўтмай, вазият бутунлай ўзгарди.
Бош ҳакам видеотакрорни кўриб чиқиш жараёнида Винисиус рақиб футболчисининг сочидан тортганини аниқлади. Натижада гол бекор қилинди, бразилиялик футболчига эса тўғридан-тўғри қизил карточка кўрсатилди.
Madrid Zone нашрининг хабар беришича, журналистлар Беллингемнинг ушбу қарорга муносабатини лаб ҳаракатларига қараб аниқлашган. Англиялик футболчи қаттиқ ғазабланган ва ҳақоратли сўзлар ишлатган.
Унинг гапларини нисбатан юмшоқ шаклда қуйидагича таржима қилиш мумкин:
"Лаънати, бу ўйин энди бутунлай тугади!"
Беллингемнинг норозилигига ҳакамнинг Винисиусни майдондан четлатиш ва унинг голини бекор қилиш ҳақидаги қарори сабаб бўлди.
